مامۆستایانی سوننە له کرماشان و پاوه سپاسی سه‌ردانی ڕێبه‌ری باڵای ئێرانیان بۆ ئه‌و ناوچانه کرد که به هۆی بومه‌له‌رزه‌وه زه‌ره‌ر و زیانیان به‌ر که‌وتووه.
به پێی ئه‌م ڕاپۆرته، ئیمامی هه‌ینی پاوه و پێشنوێژی ئه‌هلی سونه‌تی کرماشان به ناردنی نامه‌یه‌ک بۆ ئایه‌توڵا سه‌دی عه‌لی خامنه‌یی، ڕێبه‌ری باڵای ئێران سپاسی سه‌ردانه‌که‌ی ئه‌وانیان کرد و ڕایانگه‌یاند که ئێمه و خه‌ڵکی ناوچه‌که‌ش دڵگه‌رم بووین به سه‌ردانی خه‌مخۆرانه‌ی ڕێبه‌ری باڵای ئێران بۆ ئاوڕدانه‌وه له لێقه‌وماوه‌کانی بومه‌له‌رزه‌کانی کرماشان.
هه‌روه‌ها له درێژه‌ی ئه‌م نامه‌یه‌دا، مامۆستایانی کورد سپاسی هه‌وڵ و ماندوو بوونه‌کانی ده‌وڵه‌تیشیان کردووه و ڕێزیان گرتووه له سه‌ردانه‌که‌ی حه‌سه‌ن ڕۆحانی بۆ ئه‌و ناوچانه‌ی به هۆی بومه‌له‌رزه‌وه زه‌ره‌ر و زیانیانی به‌ر که‌وتووه.
شایانی باسه که ئه‌م نامه‌یه له لایه‌ن مامۆستا مه‌لا قادر قادری و مامۆستا مه‌لا محه‌مه‌د محه‌مه‌دیه‌وه نووسراوه، هه‌روه‌ها له کۆتایی نامه‌که‌دا داوایان کردووه که ده‌وڵه‌ت و خه‌ڵکی ئێران به‌رده‌وام بن له یارمه‌تی گه‌یاندن به که‌سانی لێقه‌وماو به هۆی بۆمه‌له‌رزه‌وه.
...........
300
